Impakaammo ti Department of Foreign Affairs (DFA) a kinanselarna idi Septiembre 30, 2024 ti pasaporte ni naikkat a mayor ti Bamban, Tarlac Alice Guo a maatap nga isu ti espia ti China a ni Guo Hua Ping.
Kinuna ti DFA a kinanselarna ti pasaporte ni Guo a “nagun-od iti kinukusit a wagas” apaman dinawat ti Department of Justice (DOJ) ti pannakaibabawi daytoy.
Kinompirmar met ti National Bureau of Investigation (NBI) a pumada ti biometrics ti dati a mayor iti adda iti rekord ni Guo Hua Ping.
Dinakamat ti DFA ti probision iti New Philippine Passport Law a nagibasaranda iti panangkanselarda iti pasaporte ni Guo, a:
Mangnamnama ni Marcos iti pannakaisubli ti panangipateg ni Pinoy iti arte a Filipino
"A passport may be denied, or cancelled, or restrictions may be imposed on a passport, based on the following ground: when a passport was acquired fraudulently, tampered with, or issued erroneously." (Ti pasaporte ket mabalin a saan nga ipaay, wenno makanselar, wenno maikkan iti restriksion ti pasaporte, maibasar kadagiti sumaganad a rason: no ti pasaporte ket nagun-od iti kinukusit a wagas, nakuti wenno nabalbaliwan, wenno biddut ti pannakaipaayna." (Joseph Pedrajas/Manila Bulletin//Juan A. Asuncion/Bannawag)
