Dinayaw ni Supreme Ledaer ti Iran Ayatollah Ali Khamenei itay Oktubre 4 ti kaudian a missile strike a maibusor iti Israel, ket kinunana nga aramiden manen ti pagilianna daytoy no isu ti kasapulan.
Iti umuna a panagparangna a kas daulo it las-ud ti lima a tawen, kinuna ni Khamenei a napintas a gapuanan ti missile strike nga inwayat dagiti puersa ti armada ti Iran.
Itay Martes, Oktubre 1, pinalusposan ti Iran ti 180 a missile kontra iti Israel.
Segun ken ni Khamenei, 85, nainkalintegan ti panangraut nga indauluan ti Hamas kontra iti Israel idi Oktubre 7, 2023. Innayonna a daytoy kaudian a pannakaraut ti Israel ket maibatay iti international law, linteg ti pagilian ken pammati ti Islam. (ASSOCIATED PRESS/Manila Bulletin//Lito Hilidon/Bannawag)
Internasional
