Ditoy Filipinas, arigna nangrugin ti Paskua iti itatapog dagiti “Ber months” idi September (Septiembre). Ket itoy nga October (Oktubre), kuna dagiti fans ni Mariah Carey a mabalin siguron a patokarenda ti “dinto maumag” a kantana iti Paskua, ti "All I Want For Christmas Is You."
Nupay kasta, kinuna daytoy Grammy-winning artist a nasapa pay unay.
Iti social media, in-share ni Mariah ti maysa a paskil a mainaig iti kantana:
"This is your captain speaking; welcome aboard, Mariah! We are headed for the North Pole.”
Mangnamnama ni Marcos iti pannakaisubli ti panangipateg ni Pinoy iti arte a Filipino
Paarasaas met nga in-dub ti Queen of Christmas: "They always rush me."
Sa insuratna daytoy a caption iti paskilna: "To those asking ... Not yet!!!”
Ngem ditoy Filipinas, idi pay laeng apagtapog ti Septiembre (September), adun ti mangpatpatokar iti “All I Want For Christmas Is You.”
Exempted dagiti Filipino.
Itay napan a tawen, nagtalinaed ti "All I Want For Christmas is You" iti tuktok ti Billboard Hot 100 chart. Nagun-odna ti 48.4 million streams, 31.7 million radio airplay audience impressions, ken 7,000 downloads iti U.S. manipud idi Disiembre 15 agingga iti 21 iti dayta a tawen, kas inreport ti Luminate. (Robert Requintina/Manila Bulletin// Cles B. Rambaud/Bannawag)
