Inwaragawag ni dati a bise presidente Leni Robredo idi Biernes, Okt. 4, a tumaray a kas mayor ti Siudad ti Naga. Kinunana nga ipilana ita a Sabado, Okt. 5, ti Certificate of Candidacy-na.
Segun pay ken ni Robredo, running mate-na (para bise mayor) ni Camarines Sur Rep. Gabby Bordado, nga addan iti maikatlo ken maudi a terminona kas kongresman. Nagpaay ni Bordado a bise mayor ni dati a mayor ti Naga Jesse Robredo, ti pimmusay idi 2012 nga asawa ni Leni Robredo.
Bise presidente manipud 2016 agingga iti 2022, nagkandidato ni Robredo a para presidente iti eleksion ti 2022 ket nakagun-od iti 15,035,773 a botos. (Nino N. Luces/Manila Bulletin // RVAragon/Bannawag)
Lokal
