Inkari ni Presidente Ferdinand Marcos Jr. a sustenerenna ti pannakaipababa ti implasion tapno agtalinaed a nababbaba ti presio dagiti magatang ngem iti dati bayat ti panawen ti Paskua, segun iti Presidential Communications Office (PCO).
Daytoy ti kinuna ti PCO kalpasan ti impadamag ti Philippine Statistics Authority (PSA) itay Oktubre 4 a bimmaba pay ti implasion (wenno ti ilalaka ti presio dagiti magatang) iti 1.9 a porsiento idi Septiembre manipud 3.3 a porsiento idi Agosto.
Paset ti estratehia ti gobierno ti panangpaadu ti produksion kabulon ti iseserrek dagiti kasapulan a mangpunno kadagiti kurang a suplay, ngem maaramid a dagus tapno mapaay ti pannakamanipular ti presio ken stock.
Kinuna ti PCO a daytoy ti bunga ti programa ken gannuat ti gobierno a mangpapababa iti implasion tapno kabaelan dagiti umili ti presio dagiti magatgatang. (Argyll Cyrus Geducos/Manila Bulletin//Lito Hilidon/Bannawag)
