Impaulog ni Presidente Ferdinand Marcos Jr. (PBBM) ti Executive Order (EO) No. 70 a mangpaganaygay iti industria ti pelikula iti Filipinas babaen ti panangpatibker iti Film Academy of the Philippines (FAP).
Kas paset ti gandat ni PBBM a mangital-o iti industria ti pelikula ti Filipinas, binilinna ti FAP a mangipasdek ken mangbukel iti nalatak ken tinawen a National Film Awards a mangilungalong, mangbigbig, ken mangrambak kadagiti world-class a talento ken partuat.
Segun iti EO, ti FAP a nabuangay idi 2006 babaen ti Department of Education (DepEd) tapno agbalin a propesional ti industria ti pelikula, ket mayallatiw iti panangaywan ti Department of Trade and Industry (DTI).
Mabalin pay a makitinnulong ti FAP iti Metropolitan Manila Development Authority (MMDA), ti Cultural Center of the Philippines (CCP), ken dadduma pay a maseknan gna ahensia kas iti DepEd, TESD, FDCP, Commission on Higher Education (CHED), ti Philippine Creative Industries Development Council, pribado a sektor, wenno iti akademia tapno makaala iti amin a kita ti suporta. (Argyll Cyrus Geducos/Manila Bulletin//Lito Hilidon/Bannawag)
