Ni Renee Co, maysa nga abogada, aktibista, dati a lider-estudiante, campus journalist, ti first nominee ti Kabataan Party-list iti panangipilada iti certificate of nomination and acceptance (CONA) ita a Sabado, Oktubre 5, iti The Manila Hotel Tent City.
Kinaduaan ni agdama a Kabataan Party-list Rep. Raoul Manuel ni Co ken dagiti kadua daytoy a nominees iti panangipilada iti CONA.
Inleppas ni Co ti BA Political Science a kas cum laude iti University of the Philippines-Diliman a nagpaayanna pay kas maika-38 nga student regent iti Board of Regents ti UP. Iti met laeng UPD, iti College of Law, ti nangileppasanna iti abogasia. Pimmasa iti bar exam idi 2023.
Dagiti dadduma pay a nominee:
Australiano, 2 pay, natiliw gapu iti bogus a doliar
Maikadua a nominee: Jose Paolo Echavez, summa cum laude iti kursona a BS Agriculture, Major in Agronomy iti Silliman University.
Maikatlo a nominee: John Peter Angelo Garcia, estudiante iti BA Communication Arts iti UP Los Baños
Mairaman met a nominees da Gab Siscar, Jayvie Cabajes, Mia Simon, Kej Andres, Hayme Galas, Crimson Labinghisa, ken Ma. Melissa Angelica “Lisse” C. De Vera a taga-Bayambang, Pangasinan ken magna cum laude iti BA English Studies Language iti UPD. (Balita//Roy V. Aragon)
