Nangipilan ni dati a gobernador ti Ilocos Sur ken dati a mayor ti Narvacan Luis "Chavit" Singson, 83, iti certificate of candidacy-na (COC) para iti kinasenador, ita a Lunes, Oktubre 7, para iti 2025 midterm elections.
Dimteng ni Singson iti pagipilaan iti COC ti COMELEC iti Manila Hotel Tent City a nakalugan iti armored car.
Kinuna ni Singson a no mangabak, sisasagana isuna a mangipaay iti bukodna a kuarta a maigatang kadagiti e-jeepney a maited kadagiti driver a saan a makabael a gumatang iti bukodda a pagpasada a lugan.
Tumaray ni Chavit a kas independent candidate. Immuna a nagkandidato a para senador ni Singson idi 2007. (MJ Salcedo/BALITA//RVAragon/Bannawag)
Nasional
