Pinirmaan ti Filipinas ken South Korea ita, Oktubre 7, ti innem a baro a katulagan, agraman ti pannakapatibker ti maritime cooperation ken pannakaisayangkat ti feasibility study iti pannakaisubli ti Bataan Nuclear Power Plant.
Sinaksian da Presidente Ferdinand Marcos Jr. ken Presidente ti South Korea Yoon Suk Yeol ti pannakaiparang dagiti napirmaan a baro a katulagan iti Malakanyang.
Nairaman iti baro katulagan dagitoy:
* Memorandum of Understanding (MOU) iti nagbaetan ti Philippine Coast Guard (PCG) ken ti Korea Coast Guard iti Maritime Cooperation;
Mangnamnama ni Marcos iti pannakaisubli ti panangipateg ni Pinoy iti arte a Filipino
* MOU iti Economic Innovation Partnership Program (EIPP);
* MOU maipaay iti Strategic Cooperation on Critical Raw Material Supply Chains;
* MOU iti Feasibility Study of Bataan Nuclear Power Plant;
* Loan Agreement para iti Samar Coastal Road II Project ken MOU iti Laguna Lakeshore Road Network Project Phase I (Stage I) ken ti Panay-Guimaras-Negros Island Bridges Project; ken
* Implementation Program of the MOU iti nagbaetan ti Department of Tourism (DOT) ken ti Ministry of Culture, Sports, and Tourism ti Republic of Korea para iti 2024-2029.
(Darryl John Esguerra/PNA//Lito Hilidon/Bannawag)
