Indauluan ni dati a PNP Chief Edgar Aglipay ti grupoda a Team One Cagayan ti nagipila iti certificates of candidacy-da (COC) ita a Lunes, Okt. 7, iti COMELEC Provincial Office, Siudad ti Tuguegarao.
Tumaray ni Aglipay a para gobernador iti babaen ti Nacionalista Party. Running-mate-na (para bise gobernador) ni agdama a gobernador Manuel Mamba.
Kakaduada a nagipila iti COC dagiti para kongresman a da dati a mayor ti Tuguegarao ken dati a kongresman Randolph S. Ting (3rd District); agdama a mayor ti Allacapan Harry D. Florida (2nd District); ken agdama a mayor ti Lal-lo Florante C. Pascual (1st District).
Immun-unan a nagipila iti COCs dagiti sumaganad a kandidato:
Ilocos Sur, Umuna a Puesto iti Regional SubayBAYANI Awards
Para gobernador: agdama a bise gobernador Melvin K. Vargas Jr., ken Ma. Zarah Rose D. Lara.
Para bise gobernador: dati a bise gobernador Leonides N. Fausto Sr.
Para kongresman: Ramon C. Nolasco (1st District); dati a gobernador Edgar R. Lara (2nd District); ken agdama a kongresman Joseph L. Lara (3rd District).
Maysa nga aldaw laengen ti nabati para iti panagipila iti COC. Maudi nga aldaw inton bigat, Okt. 8. (BANNAWAG News Team)
