Makitintinnulong ti Office of Civil Defense (OCD) kadagiti nadumaduma nga ahensia ti gobierno ken kadagiti soldado tapno masinunuo ti kasayaatan a pannakaipaay ti tulong iti Batanes a nakaro a naapektaran ni Super Typhoon Julian.
Kinuna ni daulo ti OCD Undersecretary Ariel Nepomuceno a bambantayan ni Presidente Ferdinand Marcos Jr. ken Sekretario ti Department of National Defense (DND) Gilberto Teodoro ti situasion ken mangiwanwanwan iti panangsaranay tapno maep-ep ti epekto ti bagyo.
Kinuna ni Nepomuceno ita, Oktubre 7, nga ar-aramiden ti OCD amin a kabaelanna tapno masinunuo ti nasayaat a pannakaibiahe dagiti maipaay a tulong kadagiti agkasapulan a Filipino.
Binaonen ti OCD dagiti rapid deployment team iti Villamor Air Base iti Pasay City ken Laoag Airport a mangimaton iti pannaikaikarga ken pannakaipatulod dagiti relief goods.
Mangnamnama ni Marcos iti pannakaisubli ti panangipateg ni Pinoy iti arte a Filipino
Ti Batanes ket adda iti state of calamity.
Inwayat ni Nepomuceno ken dagiti opisial ti Department of Social Welfare and Development (DSWD) ken ti Department of Human Settlements and Urban Development (DHSUD) ti aerial inspection iti Batanes ken nakiumanda ken ni Gobernador Marilou Cayco tapno masukimatda ti situasion itay Oktubre 3. (Priam Nepomuceno/PNA//Manila Bulletin/Bannawag)
