Binaon ti Philippine Navy (PN) ti baro a patrol ship a BRP Andres (PS17) iti Muara, Brunei Darussalam para iti “Maritime Training Activity (MTA) Seagull” a maangay manipud Oktubre 7 agingga 11.
Indauluan ni Flag Officer in Command ti PN Vice Adm. Toribio Adaci Jr. ti seremonia ti panagpakada a naangay iti Naval Operating Base Subic, Zambales para iti BRP Andres Bonifacio ken ti 169 nga opisial ken kameng a dumar-ay iti panagsanay.
Ti MTA Seagull ket mamindua iti maysa a tawen a panagsanay ti PN ken ti Royal Brunei Navy a mangpasayaat iti panagtinnulong ti dua a navy.
Kinuna ni panakangiwat ti PN Commander John Percie Alcos a nabalabala dagiti aktibidad tapno mapasayaat ti panagbibinninglay ti pannakaammo, ken mapauneg ti panagkinnaawatan ti dua a navy, iti kasta, mapabileg ti kabaelanda nga agtinnulong iti nadumaduma nga operasion ti seguridad iti baybay. (Martin Sadongdong/Manila Bulletin//Lito Hilidon/Bannawag)
