Cayton ken Dacayo.

Iti maudi nga aldaw, ita a Martes, Okt. 8, ti panagipila iti certificates of candidacy (COC) dagiti lokal a kandidato iti probinsia ti Nueva Vizcaya, naammuan met laengen dagiti mapadpadaanan a personalidad nga aglalaban itoy a 2025 midterm elections.

Nagipila ita nga aldaw iti COCs ti grupo da agdama a congresswoman Luisa "Banti" Lloren Cuaresma. para gobernador; agdama a provincial board member Atty. Edgardo "Edu" Balgos, para bise gobernador; ken dati a bise gobernador ken agdama a provincial board member Jose "Tam-an" Tomas Jr., para kongresman.

Tomas Jr., Cuaresma, ken Balgos.

Nagipila met ni agdama a mayor ti Dupax del Norte Atty. Timothy Joseph Cayton iti COC-na a para kongresman. Kaduana a nagipila ni agdama a bise gobernadora Eufemia Ang Dacayo a tumaray met laeng a para bise gobernador.

Immunan a nagipila dagiti sumaganad:

Lokal

Maipadpadamag a 'kumaw' iti Nueva Vizcaya, 'fake news,' segun iti PNP

Dati a provincial board member ken provincial administrator Maybelle Blossom Dumlao-Sevillena, para gobernador.

Dumlao-Sevillena

Dati a heneral ti PNP Valeriano "Val" de Leon, para kongresman.

de Leon.

Dati a gobernadora Ruth Raña Padilla, para kongresman; kaduana da Atty Jose Gambito, para gobernador; ken Patricio F. Dumlao Jr., para bise gobernador.

Padilla, Gambito, ken Dumlao Jr.

Tallo ti aglalaban a para gobernador: Cuaresma, Gambito, ken Sevillena; tallo ti para bise gobernador: Dumlao Jr., Dacayo, ken Balgos; ken uppat ti para kongresman: Padilla, Cayton, Tomas, ken de Leon. (BANNAWAG News Team)