Saan nga agpayso nga ibabawi ni dati a presidente Rodrigo Duterte ti certificate of candidacy-na (COC) para iti kinamayor ti Davao City, segun iti partner-na a ni Honeylet Avanceña.
Iti report ni Henry Uri iti DZRH news, saan a kinaselar ni Duterte ti panagkandidatona para mayor, segun iti sungbat ni Honeylet idi masaludsod no adda kinaagpaysuanan ti agwarwaras a damag a kanselaren kano ni Duterte ti impilana daytoy a COC.
Segun pay iti DZRH, naammuan met ken ni Senador Bong Go, dati nga aide ni Duterte, nga awan pay naawat daytoy nga impormasion iti maipadpadamag a panangkanselar ni Duterte iti COC-na ket segun ken ni Go, maibilang a "fake news" ti agwarwaras a damag. (Nicole Therise Marcelo/BALITA)
Lokal
