Saan a kas kadagiti naglabas a panagbiahena a dutokanna ni Bise Presidente Sara Duterte a kas mangaywan iti gobierno, dinutokan ketdi ni Presidente Marcos Jr. (PBBM) ti maysa nga executive committee a mangaramid iti akemna bayat ti kaaddaana iti Laos.
Impakaammo ti Malakanyang ita, Oktubre 8, a dinutokan ni PBBM da Executive Secretary Lucas Bersamin, Sekretario ti Department of Justice (DOJ) Jesus Crispin Remulla, ken ni Sekretario ti Department of Agrarian Reform (DAR) Conrado Estrella III a kas mangaywan iti gobierno.
Segun ken ni Sekretario ti Presidential Communications Office (PCO) Cesar Chavez, buklen ti mangaywan iti gobierno ti maysa nga Executive Committee nga idauluan ni Bersamin, kaduana dagiti Sekretario ti DOJ ken DAR kas kameng.
Daytoy ti umuna a gundaway a mangdutok ti Presidente iti Executive Committee a mangaywan iti gobierno bayat ti kaaddana iti opisial a biahe.
Blazers, inatiwda ti Red Lions; kasangoda ti Cardinals iti NCAA finals
Agturong ita ni PBBM iti Laos tapno dumar-ay iti Association of Southeast Asian Nations (ASEAN) Summit agingga Okt. 11. (Betheena Unite/Manila Bulletin//Lito Hilidon/Bannawag)
