Nakemmeg ti dua nga Overseas Filipino workers (OFWs) a naipan iti South Korea kas caregiver babaen ti Pilot Foreign Caregiver government-to-government hiring program, ngem saanen a nagsubli iti trabahoda kalpasan ti holiday.
Kinuna ni Sekretario ti Department of Migrant Workers (DMW) Hans Leo Cacdac itay Oktubre 7, ur-urayenda ti resulta ti imbestigasion maipapan iti nasao nga OFW a nasarakan dagiti Special Investigation Team ti Korean Immigration ken nakemmeg iti Busan.
Paset dagiti dua a caregiver iti 100 a naipatulod iti South Korea idi Agosto babaen ti Employment Permit System pilot project a mangipaay iti serbisio ti caregiver kadagiti Koreano nga addaan ti ubbing, masikug, ken single parent wenno working couples.
Kinuna ni Cacdac nga ipaayda ti legal a tulong kadagiti nakemmeg nga OFW tapno masinunuo a saanda a mapilit wenno mapuersa bayat ti imbestigasion.
Blazers, inatiwda ti Red Lions; kasangoda ti Cardinals iti NCAA finals
Ngem binalakadan ni Cadac dagiti OFW a agbalin a responsable kadagiti obligasionda a kas OFW a mangleppas iti kontratada no saan met ida a maab-abuso.
Iti laksid daytoy, natalged latta ni Cacdac nga agtalinaed ti naimbag a relasion iti gobierno ti Korea ken ti Ministry of Labor daytoy. (Marita Moaje/Manila Bulletin//Lito Hilidon/Bannawag)
