Agdagup iti 183 nga agngayangay a senador ti nagipila iti Certificates of Candidacy (COCs), idinto a 190 a gunglo ti nangidatag iti bukodda a Certificates of Nomination and Acceptance (CONAs) kalpasan ti makalawas a panagipila kadagiti dokumento tapno mairamanda iti 2025 Midterm Election inton Mayo 12, 2025.
Daytoy ti impakaammo ti Commission on Elections (Comelec) kalpasan ti naituding nga aldaw ti panagipila kadagiti CoC ken CONA a naangay iti The Manila Hotel Tent City manipud Oktubre 1 agingga 8. Manamnama nga iruar ti Comelec ti listaan dagiti kuapilikado a kandidato inton Disiembre 13.
Repasuen pay ti Comelec dagiti nailista ket ikkatenda dagiti makuna a "nuisance" a kandidato, sakbay a maisurat ti nagan dagiti opisial a kandidato iti mayimprenta a balota.
Ad-adalen ti law department ti Comelec ti kandidato nga addaan iti perpetual disqualification to hold public office manipud iti Office of the Ombudsman.
Mangnamnama ni Marcos iti pannakaisubli ti panangipateg ni Pinoy iti arte a Filipino
Segun ken ni Garcia, maibatay daytoy iti Republic Act (RA) 6770, wenno ti Ombudsman Act, nga agkunkuna a "ti pangngeddeng ti Office of the Ombudsman ket maipatungpal nupay saan a pinal." (Dexter Barro II/Manila Bulletin//Lito Hilidon/Bannawag)
