Nakimat ti maysa a lalaki iti Sitio Corcuera iti Barangay Laureta, Solsona, Ilocos Norte itay Martes, Oktubre 8.
Agtawen ti 60 ti biktima a ni Oswaldo M. Baltazar nga agawiden iti kalapawna kalpasan nga ipastorna ti baka iti taltalon.
Dagiti residente ti nangitaray ken ni Baltazar iti Rural Health Unit ngem naideklarar daytoy a natay babaen ti pannakakorientena iti kimat.
Iti sabali a bangir, nayanud ti maysa a mannalon a ni Nelson Laureta, 77, bayat ti ibaballasiwna iti simmuyop a Karayan Bislak bayat ti panagawidna iti balayda kalpasan nga ipastorna dagiti dingona iti Sitio Nasbatan, Barangay 34 Isic-Isic, iti Vintar, itoy met laeng a probinsia, Oktubre 8.
Ilocos Sur, Umuna a Puesto iti Regional SubayBAYANI Awards
Inwayaten dagiti autoridada ti panangsawarda iti biktima.
Pinakdaaran ti polisia dagiti umili nga agannadda no kasta a nadawel ti panawen. (Freddie Lazaro/Manila Bulletin//Lito Hilidon/Bannawag)
