Maysa a bapor ti China Coast Guard (CCG) ti nangipaturong iti water cannon iti bapor ti Bureau of Fisheries and Aquatic Resources (BFAR) iti Bajo de Masinloc (Scarborough or Panatag Shoal) iti West Philippine Sea (WPS) itoy nga aldaw, Oktubre 9.
Pinatalgedan daytoy ni panakangiwat ti Philippine Navy (PN) iti WPS, Rear Adm. Roy Vincent Trinidad, ket nagkari a makitinnulong iti sibilian nga ahensia tapno masinunuo ti kinatalgedda bayat ti kaaddada iti WPS.
Segun iti report, agibunong ti bapor ti BFAR iti gasolina ken dadduma pay a kasapulan dagiti mangngalap iti Bajo de Masinloc idi pinaturongan ida ti bapor ti CCG iti water cannon.
Kinuna ni Trinidad nga irupirda latta ti kalintegan ti pagilian iti teritoriona babaen ti panagpatruliada iti laksid ti pammutbuteng ti China.
Mangnamnama ni Marcos iti pannakaisubli ti panangipateg ni Pinoy iti arte a Filipino
Iti sabali a bangir, nagbalin a 190 ti bilang ti bapor ti China nga agdakdakiwas iti WPS, segun iti makalawas a panang-monitor ti PN manipud idi Oktubre 1 agingga idi 7.
Ad-adu nga amang ngem iti 178 a bapor manipud iti Sept. 24 agingga iti 30.
Kinuna ni Trinidad a 28 kadagita a bapor ti adda iti Escoda wenno Sabina Shoal, Bajo de Masinloc, ken Ayungin (Second Thomas) Shoal. (Martin Sadongdong/Manila Bulletin//Lito Hilidon/Bannawag)
