Nakaaramid ti Institute of Herbal Medicine (IHM) ti University of the Philippines Manila (UP Manila) iti dakkel a panagdur-as iti panangagas iti type 2 diabetes babaen ti inruarda a baro a tableta a paria (ampalaya tablet).
Kinuna ni Research assistant ken pharmacist ti UP Manila-IHM Prof. Daisy-Mae A. Bagaoisan a dakkel a parikut ti diabetes iti sangalubongan ket ti tableta a paria (bitter gourd) ti mabalin a makaipaay iti manamnama a natural a pangnayon a pagagas.
Addaan iti sientipiko a nagan a Momordica charantia namsek ti paria iti 220 bioactive compounds agraman ti alkaloids, glycosides, ken triterpenoids a kas iti momordicins I and IV.
Inusar dagiti researcher ti IHM ti napolbos a bulong ti paria a nangiparang iti dakkel a potensial iti pannakaipababa iti blood sugar.
Blazers, inatiwda ti Red Lions; kasangoda ti Cardinals iti NCAA finals
Inlawlawag dagiti researcher a buklen dagiti eksperto iti nadumaduma a tay-ak, a ti paria ti naiduduma kadagiti amin a mula ta maibilang daytoy a kas herbal medicine, saan laeng a kas herbal supplement.
Ngarud, masinunuo ti nasayaat nga epekto daytoy iti blood sugar ta nagdalan iti nainget ken komprehensibo a clinical test. (Ellalyn De Vera-Ruiz/Manila Bulletin//Lito Hilidon/Bannawag)
