Nagibunong ti gobierno probinsial ti La Union kadagiti agrikultural a makinaria nga agbalor iti PhP15.5 a milion kadagiti agarup 82 a kooperatiba dagiti mannalon, asosiasion, lugar a pagadalan, ken pagadalan iti panagtalon iti nadumaduma nga ili iti La Union manipud idi Oktubre 3 agingga 9.
Naikkan dagiti ili a Balaoan, Bangar, Bacnotan, City of San Fernando, Luna, San Gabriel, San Juan, Santol, Agoo, Aringay, Bagulin, Bauang, Caba, Naguilian, Pugo, Sto. Tomas, ken Rosario.
Kinuna ni officer in charge ti Office of the Provincial Agriculturist (OPAG) Sharon Viloria ita, Oktubre 9, adda 102 a makinaria ken ramit iti panagtalon tapno matulongan dagiti mannalon a mangpaadu iti apitda ket maipanamnama ti kaadda ti umdas a taraon a para iti probinsia.
Naited pay ti walo a shredder, 15 multi-cultivators, 28 hand tractors, 44 pump ken engine sets, uppat a portable rice mill, maysa a corn sheller, maysa a rice transplanter, ken maysa a forage chopper.
Ilocos Sur, Umuna a Puesto iti Regional SubayBAYANI Awards
Kinuna ni Viloria a naiwayat ti programa babaen ti Farm Mechanization and Supply Support Program ken pinonduan ti Republic Act 7171 wenno ti bingay ti probinsia iti Tobacco Excise Tax of 2022. (Hilda Austria/PNA//Lito Hilidon/Bannawag)
