Sumanglad iti Manila ti bapor a pagsanay ti Indonesia inton Oktubre 15 a mangipakita iti panagkumit ti Indonesia iti nadumaduma a katulagan iti baybay iti pagilian.
Agtalinaed ti KRI Bima Suci iti Port of Manila agingga Oktubre 18 kas paset ti makatawen a panangrambak iti maika-75 a tawen ti panaggayyem ti Indonesia ken Filipinas.
Segun iti Embahador ti Indonesia iti Filipinas Adus Widjojo, nalatak ti Bima Suci a kas Floating Ambassador of Goodwill. Aglaylayag daytoy manipud iti maysa a sangladan agturong iti sabali iti entero a lubong tapno maisaknap ti talna, mapatibker ti panaggagayyem, ken mangitandudo iti kultura ti Indonesia.
Ti Indonesia ken Filipinas ket agpada a kameng iti Association of Southeast Asian Nations (ASEAN) a mangilunglungalong iti pannakarisut ti riri iti South China Sea babaen ti umno a panagpapatang ken konsultasion. (Joseph Pedrajas/Manila Bulletin//Lito Hilidon/Bannawag)
