Kinemmeg dagiti autoridad itay Oktubre 10 ti maatap a daulo ti Philippine Offshore Gaming Operator a Lucky South 99 a nakabase iti Porac, Pampanga.
Kinuna ti Presidential Anti-Organized Crime Commission a nakemmegda ni Lyu Dong iti maysa a subdivision iti Biñan City, Laguna babaen ti bileg ti warrant of arrest ken ti mission order nga impaulog ti Bureau of Immigration.
Kinuna ni panakangiwat ti PAOCC a nainget ti inaramidda a panangsisiim sakbay a tiniliwda ti suspek iti maysa a taripnong kaduana dagiti dadduma pay nga Intsik a maatap a daulo ti POGO ken badigard.
Naipan iti pagpupokan ti PAOCC iti Pasay City ni Lyu Dong, a nabirngasan met iti Boss Boga, Boss Apao, ken Boss Bahaw, tapno maimbestigaran.
Mangnamnama ni Marcos iti pannakaisubli ti panangipateg ni Pinoy iti arte a Filipino
Kinuna ti PAOCC a ti pannakatiliw ni Lyu Dong ti maysa a dakkel nga addang iti pannakarugpo ti POGO iti pagilian. (Tristan Lozano/Manila Bulletin//Lito Hilidon/Bannawag)
