Makipagsanay ti Philippine Marine Corps (PMC) kadagiti padada a marino ti nadumaduma a pagilian tapno mapasayaat ti panagtitinnulongda babaen ti KAMANDAG (Kaagapay ng mga Mandirigma ng Dagat) 08-24 marine exercise a maangay manipud Oktubre 15 agingga 25.
Kadua dagiti kameng ti PMC ti nadumaduma a partisipante manipud iti United States Marine Corps (USMC), Japan Ground Self Defense Force (JGSDF), Republic of Korea Marine Corps (ROKMC), United Kingdom Royal Marine Commandos (UKRMC), ken Australian Defense Force (ADF).
Mairaman nga agpaliiw dagiti French Armed Forces, Royal Thai Marine Corps, ken Indonesian Kor Marinir (Indonesian Marine Corps).
Maangay ti kangrunaan a panagsanay kadagiti lugar iti Northern Luzon Command (Nolcom) ken iti Western Command (Wescom) joint operational areas, agraman iti Manila ken Cavite.
Mangnamnama ni Marcos iti pannakaisubli ti panangipateg ni Pinoy iti arte a Filipino
Maangay ti KAMANDAG Exercise kas paset ti aktibidad ti Mutual Defense Board and Security Engagement Board (MDB-SEB) ita a tawen. (Martin Sadongdong/Manila Bulletin//Lito Hilidon/Bannawag)
