Impakaammo ti Department of Health (DOH) ti panagbaba ti kaso ti dengue iti Filipinas ita, Oktubre 11.
Segun iti datos ti DOH, adda 269,467 a kaso ti dengue agingga idi Oktubre 4 a mangipakita iti 20 a porsiento ti panagbabana manipud Sept. 1 agingga 14, nga addaan 25,986 a nailanad a kaso no idasig iti 32,649 a bilang ti kaso idi Agosto 18 agingga 31.
Nadlaw ti DOH a bimmaba ti kaso ti dengue iti amin a rehion, malaksid iti National Capital Region (NCR) iti napalabas nga uppat a lawas.
Nupay kasta, kinuna ti DOH a 82 a porsiento ti ngimmatuan ti kaso ti dengue itoy a tawen no idasig iti 147,678 a kaso ti nailanad iti isu met laeng a panawen idi napan a tawen. (Merlina Hernando-Malipot/Manila Bulletin//Lito Hilidon/Bannawag)
Nasional
