Dua a negosiante ti napapatay babaen ti pammaltog iti Barangay District 1, San Manuel, Isabela idi Oktubre 11.
Binigbig ni Capt. Beltran Velasco Sr., hepe ti polisia iti San Manuel, dagiti biktima a da Lordwin Ganio ken Christian Acierto nga agnaed iti Brgy. San Andres, Cabatuan, Isabela.
Kinuna ni Velasco a nagsardeng dagiti biktima ken dua pay a kakaduada iti dalanda a mapan agdeliber iti karne ta napan gimmatang ti maysa a kaduada iti inumenda iti maysa nga store idi agparang ti maysa a lalaki ket pinaltogan daytoy dagiti biktima.
Naglibas ti suspek a nakasuot iti nangisit a jacket, short pants, ken nangisit a helmet babaen ti motorsiklona.
Ilocos Sur, Umuna a Puesto iti Regional SubayBAYANI Awards
Innayon ni Velasco a kitkitaenda ti anggulo a negosio a mabalin a rason iti pammapatay. (Freddie Lazaro/Manila Bulletin//Juan A. Asuncion/Bannawag)
