Nagbalinen a linteg ti gakat a mangisardeng iti pannakausar ti mother tongue a pangisuro iti kinder agingga iti Grado 3 kalpasan a nag-lapse gapu iti saan pannakapirma ni Presidente Bongbong Marcos.
Nag-lapse ti nasao a linteg idi Oktubre 10.
Iti baro a linteg, agsubli iti Filipino ken English ti mausar a pangisuro (medium of instruction) ket mausar dagiti rehional a lenguahe a kas katulongan a pagisuro.
Mabalin nga ituloy nga usaren ti mother tongue a medium of instruction kadagiti monolingual classes no la ketdi addaan kadagiti sumaganad a kasapulan:
Mangnamnama ni Marcos iti pannakaisubli ti panangipateg ni Pinoy iti arte a Filipino
• Opisial nga ortograpia nga inaramid ken impablaak ti Komisyon sa Wikang Filipino (KWF)
• Opisial a naidokumento a bokabulario nga impablaak ti KWF
• Literatura maipapan iti lenguahe ken kultura
• Libro ti gramatika
• Kaadda dagiti mannursuro iti pagadalan a makasao ken nagsanay a mangisuro iti Mother Tongue.
Ti monolingual class ket grupo dagiti agad-adal nga agpapada ti pagsasaoda (Mother Tongue) ken addada iti maymaysa a grado. (Argyll Cyrus Geducos/Manila Bulletin/Juan Asuncion/Bannawag)
