Nagsublin ni Presidente Ferdinand Marcos Jr. iti Filipinas kalpasan ti idadar-ayna iti "naballigi" a 44th and 45th ASEAN Summit and Related Summits iti Laos, a nangiparanganna iti panggep ti Filipinas a gun-oden.
Iti bitla ni Presidente Marcos idi Oktubre 12 impaganetgetna ti natibker a panagkumit ti pagilian iti panangpatibker iti pannakilangen kadagiti gagayyem nga addaan kapadpada a kapanunotan.
Kinuna ni Presidente Marcos nga agtultuloy ti pannakiasamng ti Filipinas kadagiti pagilian a mangitantandudo iti kappia ken panagturay ti linteg.
Segun iti Presidente, immanamong dagiti daulo ti ASEAN nga itandudoda ti nadur-as nga agrikultura tapno magun-od ti umdas a taraon, pannakasuportar dagiti micro, small, and medium enterprises (MSMEs) ti rehion, ken ti digital transformation dagiti bukodda a pagilian. (Argyll Cyrus Geducos/Manila Bulletin//Lito Hilidon/Bannawag)
