Kinemmeg dagiti kameng ti Police Regional Office (PRO) 5 (Bicol) ti 11 a Chinese national gapu iti ilegal a panangipatakderda iti mineral processing plant iti Camarines Norte idi Oktubre 13.
Kinuna ni panakangiwat ti PRO-5 Lt. Col. Malu Calubaquib nga inwayat dagiti nagtipon a kameng ti Bureau of Immigration (BI), ti Presidential Anti-Organized Crime Commission (PAOCC), Philippine National Police (PNP), ken Armed Forces of the Philippines (AFP) ti pannakakemmeg dagiti suspek iti Purok 6, Barangay Tugos iti Paracale, Camarines Norte.
Nabigbig dagiti suspek a da Liu Wei Xi, Chen Gui Hua, Chang Si Ci, Chen Chan Xia, Liu Wei Mang, Yu Yun Lai, Zhen Zi Yu, Li Chun, Jiu Zhong Ren, Lou Peng, ken Sheng Yuan Fan.
Nakemmegda babaen ti mission order nga impaulog ti Bureau of Immigration kontra kadagiti Chinese national.
Blazers, inatiwda ti Red Lions; kasangoda ti Cardinals iti NCAA finals
Adda iti sidong ti BI dagiti suspek para iti naan-anay nga imbestigasion ken umno a disposision. (Connie Calipay/PNA//Lito Hilidon/Bannawag)
