Imbilin ni hepe ti Philippine National Police (PNP) Gen. Rommel Francisco Marbil ti nainget a pannakapalutpot ti maatap a reward system iti tunggal mapapatay a tao nga adda pakainaiganna iti droga iti babaen ti drug war ti napalabas nga administrasion ni Presidente Duterte.
Gapu daytoy iti impalgak ni retirado a kolonel ken dati a daulo ti Philippine Charity Sweepstakes Office (PCSO) Royina Garma mainaig iti reward system ti PNP.
Insalaysay ni Garma iti bista ti Quad-Committee ti Kamara a pinalubosan ni dati a Presidente Rodrigo Duterte, ken dadduma pay a nangangato nga opisial ti PNP iti administrasionna, dagiti nalimed nga operasion a mangtulad iti wagas ti Davao City a maipagarup nga extra-judicial killing iti entero a pagilian.
Kinuna ni Garma a paset ti reward system ti PNP iti drug war ti pannakaipaay ti gunggona no mapapatay ti suspek, pannakaipaay iti pondo iti operasion, ken refund ti operational expenses.
Blazers, inatiwda ti Red Lions; kasangoda ti Cardinals iti NCAA finals
Kinuna ni Marbil a nasken a maisubli ti panagtalek ti publiko iti PNP, nangruna iti napabaro a kampania kontra iti droga a mangipangpangruna iti kalintegan ti tao. (Aaron Recuenco/Manila Bulletin//Lito Hilidon/Bannawag)
