Pito iti sangapulo a Filipino ti saan a mangibotos iti kandidato a "pro-China" inton 2025 Midterm Election, segun iti Stratbase ADR Institute ita, Oktubre 14.
Maibatay daytoy iti resulta ti surbey nga inwayat ti Pulse Asia nga impaaramid ti Stratbase ADR Institute, a nangsurbey iti 1,300 a simmungbat manipud Sept. 6 agingga 13 ken addaan iti ± 3 percent margin error.
Naisaludsod no suportaran met laeng dagiti Filipino ti kandidato iti 2025 Midterm Election a pro-China ita ken uray iti napalabas.
Ipakita ti resulta a 73 a porsiento ti nagkuna a dida suportaran dagiti pro-China a kandidato inton Mayo 2025.
Blazers, inatiwda ti Red Lions; kasangoda ti Cardinals iti NCAA finals
Lima a porsiento laeng ti nagkuna a suportaranda dagiti kandidato a pro-China, idinto a 23 a porsiento ti nagkuna a dida masinunuo no ibotosda wenno saan dagiti kandidato a pro-China. (Priam Nepomuceno/PNA//Lito Hilidon/Bannawag)
