Kinuna ti Department of Justice (DOJ) itay Oktubre 13 nga iwayatda ti pangrugian nga imbestigasion kadagiti kaso ti nalatak a pammapatay a napasamak bayat ti panagtakem ni dati a presidente Rodrigo R. Duterte.
Kinuna ti DOJ a sakbay a marugian ti imbestigasion, masapul nga adda "initiatory process" kas iti panangipila iti darum.
Suksukimaten ti Quad-Committee ti Kamara dagiti maatap nga extra-judicial killing iti operasion kontra iti droga a nakatayan da retirado a police general Wesley Barayuga idi 2020; Mayor Antonio Halili ti Tanauan, Batangas idi 2018; Mayor Rolando Espinosa ti Albuera, Leyte idi 2016; ken dagiti nasentensiaan a drug lords Chu Kin Tung, Li Lan Yan, ken Wong Meng Pin iti uneg ti Davao Prison and Penal Farm (DPPF) idi 2016. (Jeffrey Damicog/Manila Bulletin//Lito Hilidon/Bannawag)
