Sisiimen dagiti ahensia ti gobierno ti maysa a sindikato a mangrekrekrut kadagiti Filipino a mapan agtrabaho iti offshore gaming operations iti Laos, segun iti maysa nga opisial ti Gabinete.
Kinuna ni Sekretario ti Department of Migrant Workers (DMW) Hans Leo Cacdac nga iwaywayat ti DMW, Department of Justice (DOJ), ken dagiti pannakabagi ti linteg ti imbestigasion maibusor iti sindikato nga imbutaktak ni Embahador ti Filipinas iti Laos a ni Deena Joy Amatong.
Bayat ti kaadda ni Cacdac iti Laos kas paset ti delegasion ti Filipinas iti ASEAN Summit , impakaammo ni Amatong a 160 a Filipino ti pinagawidna gapu iti panagtrabahoda iti offshore gaming operations.
Kinuna ni Cacdac nga agtultuloy ti panangbantayda iti kasasaad dagiti nagtrabaho iti POGO a tultulongan pay laeng ni Embahador Amatong.
Blazers, inatiwda ti Red Lions; kasangoda ti Cardinals iti NCAA finals
Innayon ni Cacdac nga al-alaenda ti salaysay ti tunggal trabahador a Filipino a naalawda iti Laos tapno mabibigda ti kinaasino ti recruiter. (Betheena Unite/Manila Bulletin//Lito Hilidon/Bannawag)
