Nakompiskar dagiti kameng ti Philippine National Police - Drug Enforcement Group (PDEG) ti agarup PhP42 a milion a balor ti ilegal a droga manipud iti maysa a taga-South Africa bayat ti operasionda iti Ninoy Aquino International Airport (NAIA) iti Siudad ti Pasay idi rabii ti Sabado, Oktubre 12.
Kinuna ni director ti PDEG Brig. Gen. Eleazar Matta a natakuatanda dagiti ilegal a droga iti nangisit a bagahe ti 31-tawenna a taga-South Africa iti NAIA Terminal 3.
Naglaon ti bagahe iti transparent plastic pouch a nabungon iti nangisit a duct tape ken packaging tape a nakaidulinan ti 6.2 a kilo a shabu nga agbalor iti PhP42,160,000.
Nayawat dagiti nakumpiskar a droga iti Philippine Drug Enforcement Agency (PDEA) ket adda iti sidong ti PDEG ti suspek. (Aaron Recuenco/Manila Bulletin//Lito Hilidon/Bannawag)
