Malukatan ti “Dap-ayan 2024: Komperensia iti Literatura ken Lengguahe ti Ilokano ken Pannakarambak ti Maika-56 nga Anibersario ti GUMIL Filipinas” iti Aloha Nui Resort, Candon City, Ilocos Sur inton Oktubre 18, alas kuatro iti malem, babaen ti pannakayalnag ti duapulo ket lima a libro.

Dagitoy dagiti mayalnag a libro:

40 a Napili a Dandaniw a Para Ubbing ni Marlyn Garcia-Del Rosario; Saririt: Antolohia Dagiti Daniw a Para Ubbing nga inedit da Daniel L. Nesperos, Estela A. Bisquera-Guerrero ken Eliseo B. Contillo; 

Alimbadaw ken Dadduma Pay nga Ababa a Sarita ni Prodie Gar. Padios; Sukogan: Antolohia Dagiti Ababa a Sarita Dagiti Fellow ti Pasnaan 11 nga inedit ni Daniel L. Nesperos; Sarigilap: Antolohia Dagiti Ababa a Sarita nga Ilokano nga inedit da Joel B. Manuel, Cles B. Rambaud ken Mario T. Tejada;

Lokal

Ilocos Sur, Umuna a Puesto iti Regional SubayBAYANI Awards

Istoriami Dagitoy: Antolohia Dagiti Sarita Dagiti Mannurat a Babbai nga inedit da Aileen R. Rambaud ken Estela A. Bisquera-Guerrero; Iti Labes ti Beddeng: Antolohia Dagiti Sarita a Datdatlag ken Pattapatta nga inedit da Ariel Sotelo Tabag, Roy V. Aragon ken Daniel L. Nesperos; Opas ken Dadduma Pay a Sarita ni Daniel L. Nesperos; Panagsubli Idiay Bagani Ubbog ken Dadduma Pay a Sarita ni Reynaldo A. Duque a pinili da Roy V. Aragon ken Ariel Sotelo Tabag; Sa Bagani Ubbog: Piling Maikling Kuwento ni Reynaldo A. Duque nga impatarus da Roy V. Aragon, Junley L. Lazaga ken Ariel Sotelo Tabag; Samtoy: Mga Kuwentong Ilokano (Bagong Edisyon) nga inedit ken impatarus ni Ariel Sotelo Tabag;

Didiosen iti Camanguegan ni Eliseo B. Contillo; Kasera 101: Baro nga Edision ni N.M.E. Valdez; Kontra Pelo ni Dionisio S. Bulong; Special Forces: Dagiti Kontrabando iti Bantay Quimmallugong ni Jefferson Morales Somera; Tomana ni Juan S.P. Hidalgo Jr.

Manen, Adda Umuna: Koleksion Dagiti Premiado ken Napili a Dandaniw ni Ariel Sotelo Tabag; Patang: Prosa a Dandaniw ni Ria Rebolledo; Planetarium: Dandaniw ni Mikael Rabara Gallego; Bayengyeng: Natipon a Dandaniw nga inedit ni Aurelio S. Agcaoili; Ayamuom: Natipon a Dandaniw ken Sarsarita nga inedit ni Aurelio S. Agcaoili;

Ti Bassit a Prinsipe nga impatarus da Cles B. Rambaud ken Faye Q. Flores Melegrito; Ni Sunggo ken ni Pag-ong nga impatarus ni Ariel Sotelo Tabag;

Rimat: Antolohia Dagiti Laglagip, Salaysay, Pakpakatawa ken Daniw ni Rosario Rivera Lamug; ken, Rissik (Spark) a dandaniw ni Elizabeth B. Madarang-Raquel.

Dagiti nasao a libro ket impablaak ti GUMIL Filipinas, dagiti imprint ti Sadiri Publishing, ECE Media, Hoaeae Publications, Southern Voices Printing Press, Urijah Publishing Enterprises, ken UP Press.

Magatang ti kopia dagiti libro iti GUMIL Bazaar ti Dap-ayan 2024. (Daniel L. Nesperos)