Timmayab ti spacecraft ti NASA ita, Oktubre 15, tapno agsukisok iti bulan ti Jupiter a maaw-awagan iti "Europa," ken takuatenna no ti nakaun-uneg a taawna ket mabalin nga isu ti paggapuan ti biag.
Agpaut iti lima ket kagudua a tawen ti biahe ti Europa Clipper nga agturong iti Jupiter, sa sumrek iti orbit ti higante a planeta, ken umasideg iti Europa.
Dakkel ti pammati dagiti sientista nga adda nauneg ken nalawa a taaw iti sirok ti ice crust ti Europa. Ket no adda danum, mabalin nga adda met biag, isu a ti Europa ti kasayaatan a lugar iti law-ang a pagbirokan iti biag, kas kuna dagiti sientista.
Saan ketdi nga agsapul ti Europa Clipper iti biag, innayon dagiti sientista, ta awan ti life detector daytoy. Ketdi, puntiriaenna a sapulen dagiti ramen a kasapulan tapno adda mapataud a biag.(ASSOCIATED PRESS/Manila Bulletin//Lito Hilidon/Bannawag)
