Simmangpet iti pagilian idi Oktubre 13 ti uppat a Filipino a tripulante ti bulk carrier a napuntaan ti missile dagiti rebelde a Houthi iti Red Sea, segun iti Department of Migrant Workers (DMW).
Daytoy ti maikadua a bunggoy ti 21 a Filipino a tripulante ti M/V Minoan Courage a rinaut dagiti rebelde a Houthi idi Oktubre 1.
Kinuna ti DMW a simmangpet dagiti marino iti Ninoy Aquino International Airport (NAIA) Terminal 3 babaen ti Etihad Airways Flight 424.
Simmangpet idi Oktubre 9 ti umuna a bunggoy a buklen ti pito a marino.
Blazers, inatiwda ti Red Lions; kasangoda ti Cardinals iti NCAA finals
Kinuna ti DMW a manamnama a makasubli metten ti natda a 10 a marino babaen ti pannakitinnulong ti lisensiado nga ahensia ken ti agtagikua iti bapor.
Kinuna ti DMW nga umawat dagiti uppat a Filipino a marino iti amin a kasapulan a tulong manipud iti gobierno. (Aaron Recuenco/Manila Bulletin//Lito Hilidon/Bannawag)
