Masapul a pabaruen ti Filipinas ti 15 a tawenen a disaster risk reduction law daytoy, kas kinuna ti dua a nangato nga opisial ti pagilian iti naangay nga Asia-Pacific Ministerial Conference on Disaster Risk Reduction (APMCDRR) iti Pasay City ita, Oktubre 16.
Kinuna ni Senador Loren Legarda a kalpasan ti pannakiumanna ken ni Sekretario ti Department of National Defense (DND) Gilbert Teodoro, kayatda nga amendaran ti Philippine Disaster Risk Reduction and Management Act a 15 a tawennan.
Impaganetget ni Teodoro ti pateg ti panagtinnulong dagiti mammanday-linteg, ken ti ehekutibo tapno naan-anay a maipatungpal dagiti paglintegan.
Inlawlawag ni Teodoro a napateg ti akem ti agtultuloy a pannakiinnuman dagiti mammanday-linteg ken ti ahensia kas iti Office of Civil Defense ken ti National Disaster Risk Reduction and Management Council, tapno masinunuo ti epektibo a koordinasion ken panagtignay. (Jel Santos/Manila Bulletin//Lito Hilidon/Bannawag)
