Indatag ni Diputado ti Kabayan Party-list Ron Salo ti maysa a singasing iti Kamara a maikkan iti legislative franchise ti Starlink Philippines, Inc.-- maysa a subsidiary ti SpaceX a kukua ni Amerikano a bilionario Elon Musk, tapno maipaay ti napardas ken nalaklaka nga internet iti adayo a lugar ti pagilian.
Maibatay iti 2024 a datos manipud iti Worldwide Broadband Speed League, ti Filipinas ti maika-92 kadagiti 229 a pagilian a napartak ti internet-da. In-inut a bimmaba daytoy iti innem a puesto manipud iti ranggona idi napan a tawen.
Iti babaen ti House Bill (HB) No.10954, ti legislative franchise ti Starlink ti mangipalubos iti kompania a mangipatakder ken mangmantener kadagiti ground stations ken dadduma pay nga impraestruktura tapno sumayaat ti koneksion iti pagilian babaen ti serbisiona iti satellite internet.
Babaen ti HB No. 10954, kinuna ni Salo a maikumit met ti Starlink nga agpuonan kadagiti lokal a komunidad babaen ti panangparnuay iti trabaho babaen ti pannakaipatakder dagiti pasilidadna, kasta met ti panangipaay iti on-the-job training kadagiti mangmangged a Filipino.
Blazers, inatiwda ti Red Lions; kasangoda ti Cardinals iti NCAA finals
Kamaudiananna, daytoy ti mangitunda iti kompania a mangpalawa iti serbisiona ken tumulong a mangipaay kadagiti minilion a saan unay a naserbian a Filipino iti napartak ken mapagtalkan nga internet access. (Dexter Barro II/Manila Bulletin//Lito Hilidon/Bannawag)
