Naisublin iti Filipinas ti 488 nga Overseas Filipino Workers (OFWs) ken dagiti dependents-da manipud Lebanon gapu iti kimmaro a risiris iti nagbaetan ti Israel ken Hezbollah, segun iti Department of Migrant Workers (DMW) itay Oktubre 16.
Kinuna ni Sekretario ti DMW Hans Leo Cacdac a tungtungpalenda ti bilin ni Presidente Ferdinand Marcos Jr. a siguraduenda a natalged ken nasayaat ti kasasaad dagiti Filipino nga inapektaran ti riribuk iti Lebanon.
Kinuna ni Cacdac a sipud idi Oktubre 2023, mapanen a 488 ti OFW ti nagsublin iti pagilian manipud iti Lebanon.
Segun ken ni Cacdac, adda pay mainayon a 514 nga OFW ti manamnama nga agawiden iti mabiit.
Blazers, inatiwda ti Red Lions; kasangoda ti Cardinals iti NCAA finals
Makaawat dagiti nagawid nga OFW iti PhP150,000 a tulong pinansial manipud iti DMW ken Overseas Workers Welfare Administration (OWWA). (Filane Mikee Cervantes/PNA//Lito Hilidon/Bannawag)
