Pinakdaaran ni House Deputy Majority Leader Diputado ti Ang Probinsyano Party-list Alfred delos Santos dagiti maipagarup nga agtarigagay ti pannakaikkat ni daulo ti Commission on Elections (Comelec) George Garcia a dida koma usaren ti Kongreso para iti bukodda nga interes.
Daytoy ti kinuna ni Delos Santos itay Oktubre 16 kas pammasingkedna iti panagtalek ken panangsuportana ken ni Garcia ken iti Comelec a mangisayangkat iti patas ken nakapapati a Midterm Election inton umay a tawen.
Nupay bigbigen ni Delos Santos a ti impeachment ti mangsalaknib iti demokrasia ti pagilian, di rumbeng a maabuso wenno mayaleng-aleng daytoy.
Itay nabiit, nagdinamag a maipila ti impeachment complaint kontra ken ni Garcia. Mangrugi ti proseso ti impeachment no adda mangipila a sibilian iti impeachment complaint iti Kamara.
Blazers, inatiwda ti Red Lions; kasangoda ti Cardinals iti NCAA finals
Malaksid iti daytoy, addan naipila a kaso a graft kontra ken ni Garcia ken kadagiti opisial ti Comelec mainaig iti pannakaipaay ti kontrata iti Miru a kas technology provider iti 2025 election. Adda pay petision iti Korte Suprema a mangkueskuestionar iti nasao a kontrata. (Ellson Quismorio/Manila Bulletin//Lito Hilidon/Bannawag)
