Apagbiit a nagkita da Presidente Ferdinand Marcos Jr. ken dati a bise presidente Leni Robredo, nga agkabalubal idi 2022 presidential election, iti pannakalukat ti Sorsogon Sports Arena kas paset ti Kasanggayahan Festival.
Nagkita da Marcos ken Robredo iti ruangan ti sports arena sakbay a napan ti Presidente iti seremonia ti panaglukat itay Oktubre 17.
Iti maysa a video, makita ti pannakialamano ni Marcos ken ni dati a senador Bam Aquino, kasta met ken ni Robredo.
Kinuna ni Senate President Francis Escudero nga inawisda da Robredo ken Aquino a mangpadanon iti Presidente iti Kabikolan.
Blazers, inatiwda ti Red Lions; kasangoda ti Cardinals iti NCAA finals
"Inawismi ni VP Leni a makipaset iti Kasanggayahan festivities ken tapno kaduaennak a mangpadanon, kas maysa a Bikolana, ditoy Bicol Region ken ni Presidente Marcos iti isasarungkarna ditoy probinsia ti Sorsogon," kinuna ni Escudero a maysa met a Bikolano (taga-Sorsogon). (Betheena Unite/Manila Bulletin//Lito Hilidon/Bannawag)
