Inaprobaran ni Presidente Ferdinand Marcos Jr. ti Mindanao Transport Connectivity Improvement Project (MTCIP), ket binilinna dagiti maseknan nga ahensia a rugiandan ti proyekto iti kabiitan a panawen.
Naaprobaran ti proyekto iti maika-21 a taripnong dagiti kameng ti National Economic and Development Authority (NEDA) Board nga idadauluan ni PBBM, a naangay iti Malakanyang itay Oktubre 16.
Pasayaaten ti MTCIP ti sistema ti transportasion iti Mindanao kas iti pannakaibiahe dagiti agrikultrual a produkto manipud kadagiti adayo a lugar, pannakasaluad ti napateg a kalsada, ken pannakakissay ti gasto iti masansan a road maintenance.
Iti isu met laeng a taripnong, inanamongan ni PBBM ti PhP27.821 a bilion a "Philippines: Health System Resilience Project Phase 1" a programa ti Department of Health (DOH) a mangpasayaat iti health emergency prevention, panagsagana, ken panagresponde para kadagiti marigrigat a lugar iti pagilian.
Blazers, inatiwda ti Red Lions; kasangoda ti Cardinals iti NCAA finals
Ipangpangruna ti proyekto dagiti lugar a saan unay a maipapaayan iti serbisio medikal. (Betheena Unite/Manila Bulletin//Lito Hilidon/Bannawag)
