Sumarungkar ni Sekretario ti Department of Foreign Affairs (DFA) Enrique Manalo iti Thailand inton Oktubre 18 tapno makipatang iti katukadna nga opisial maipapan iti pannakaptibker ti panaggayyem ti Filipinas ken Thailand.
Sumangpet ni Manalo iti Bangkok iti 6th Philippines-Thailand Joint Cooperation on Bilateral Cooperation kas inyawis ni Foreign Minister ti Thailand Maris Sangiampongsa.
Rambakan ti Filipinas ken Thailand ita a tawen ti maika-75 nga anibersario ti pannakabuangay ti diplomatic relation ti dua a pagilian, ket dinakamatda ti tema a “Moving Forward to A New Era of Closer Friendship and Common Prosperity.”
Sakbay daytoy, nagturong ni Manalo iti Malaysia para iti 8th Philippines-Malaysia Joint Commission Meeting (JCM), ket nakapatangna ti Foreign Minister a ni Dato' Seri Utama Haji Mohamad Bin Haji Hasan. (Joseph Pedrajas/Manila Bulletin//Lito Hilidon/Bannawag)
