Naidarum da abogado Israelito R. Torreon ken 11 pay, a pakairamanan dagiti host ti Sonshine Media Network International (SMNI) a da Lorraine Badoy-Partosa ken Jeffrey Celis, iti kaso a sedition ken inciting to sedition gapu iti panggepda a mangpasardeng iti pannakaarestar ti daulo ti Kingdom of Jesus Christ (KOJC) a ni Apollo Quiboloy.
Impila ni daulo ti Philippine National Police-Criminal Investigation and Detection Group (PNP-CIDG) Brigadier General Nicolas Torre III ti darum iti Department of Justice (DOJ) tapno marugian ti imbestigasion.
Malaksid kada Torreon nga abogado ni Quiboloy, Badoy, ken Celis, naidarum met da Eleanor Cardona, Carlo Catil, Kathleen Kaye Laurente, Trinidad S. Arafol, Lord Byron Cristobal, Joey Espina Sun, Esteban C. Lava, Jose A. Lim III, ken ti abogado a ni Marie Dinah Tolentino-Fuentes.
Naidarumda iti panaglabsing iti Article 139 ken Article 142 ti Revised Penal Code (RPC) mainaig iti Section 6 ti Republic Act (RA) No. 10175, ti Cybercrime Prevention Act of 2012.
Blazers, inatiwda ti Red Lions; kasangoda ti Cardinals iti NCAA finals
Kinuna ni Torre III nga ipatpatungpal ti gobierno ti warrant of arrest kontra ken ni Quiboloy ngem laplapdan ida dagiti naidarum, ket allukoyenda dagiti tao a bumusor iti gobierno tapno saan a matiliw ni Quiboloy. (Jeffrey Damicog/Manila Bulletin//Lito Hilidon/Bannawag)
