Ti pannakapapatay ti mayor ti Albuera, Leyte a ni Rolando Espinosa kabayatan a sibabalud daytoy ket direkta a resulta ti mapapati a cash reward a nailatang para iti pannakagudas dagiti suspek kabayatan ti nadara a gubat kontra iti ilegal a droga nga insayangkat ti turay ni dati a presidente Rodrigo Duterte, segun ken ni Antipolo City 2nd District Rep. Romeo Acop.
Segun iti sumagmamano a testimonia, umabot iti PhP1 a milion ti naigunggona kadagiti nangpapatay kadagiti high-profile drug a suspek kas kadagiti addaan takem iti gobierno (a kas ken ni Mayor Albuera).
Mapapati a napunduan daytoy a reward system iti kuarta a nagtaud iti ilegal a sugal, kadagiti POGO, ken pati intelligence funds ti Office of the President ken ti Philippine National Police (MANILA BULLETIN)
