Maysa a mapapati a mapagduaduaan a pannakausar ti confidential and intelligence funds (CIF) a nainaig ken ni Bise Presidente Sara Duterte bayat ti panagtakemna kas secretary ti Department of Education (DepEd) ti naammmuan idi Huebes, Okt. 17 kabayatan ti panel inquiry ti Kamara.
Naduktalan ti House Committee on Good Government and Public Accountability nga idauluan ni Manila 3rd District Rep. Joel Chua ti mapapati a panagulbod ti DepEd iti Commission on Audit (COA) iti panangusar daytoy iti PhP15 a milion manipud iti CIF ti DepEd para iti pannakaisayangkat ti walo a youth leadership summit (YLS) idi 2023.
Kabayatan pay ti nasao a panel inquiry, naammuan a ti Office of the Vice President (OVP) ket nakagastos iti PhP16 a milion manipud iti CIF ti OVP tapno maabangan ti 34 a safehouse iti las-ud laeng ti 11 nga aldaw iti maudi a kuarter ti 2022. (MANILA BULLETIN)
