Binukel ti Filipinas ken Sweden ti panagasmangda tapno mapadaras dagiti gannuat a mangtaming iti kanser, a mayusuat iti Bataan.
Pinirmaan da Gobernador ti Bataan Jose Enrique Garcia III ken dagiti mangibagi manipud iti Bataan General Hospital, Business Sweden–The Swedish Trade & Invest Council, Cancer Coalition Philippines, AstraZeneca, Elekta, ken Ericsson.
Kinuna ti Embahada ti Sweden iti Manila a masurot ti “quadruple-helix model,” a mangpataud iti panagtitinnulong dagiti gobierno, akademia, industria, ken civil society iti dua a pagilian.
Idauluan ti Sweden ti sangalubongan a panagregget a mangtaming iti kanser babaen ti nadur-as a panangaywan a naipamaysa iti nasapa a panangduktal ken pananglapped, a suportaran ti nailian a programa ti panangeksamen ken natibker a pagalagadan iti salun-at ti publiko. (Joyce Ann L. Rocamora/PNA//Lito Hilidon/Bannawag)
