Maikkan iti gundaway dagiti opereytor ti unconsolidated public utility vehicle (PUV) a kayatda ti makipaset iti Public Transport Modernization Program (PTMP) a makipagkameng kadagiti naipasdek a transport cooperative wenno corporation agingga Nobiembre 29.
Inawis ni Undersecretary for Road Transport and Infrastructure ti Department of Transportation (DOTr) Andy Ortega dagiti opereytor ti unconsolidated PUV nga makiumanda iti opisina ti Land Transportation Franchising and Regulatory Board (LTFRB) para iti konsolidasion.
Ngem inlawlawag ti DOTr a saan a maluktan ti pannakabukel dagiti baro a kooperatiba ken korporasion para iti transportasion.
Nabukel ti baro a consolidation period babaen ti LTFRB memorandum a naipaulog kalpasan ti panagsasarita ti DOTr ken da Senate President Francis Escudero ken Senator Raffy Tulfo.
Blazers, inatiwda ti Red Lions; kasangoda ti Cardinals iti NCAA finals
Impanamnama ni Ortega a saan a mapilit dagiti agtarigagay a makitipon ket saan a mapilit a suktanda dagit luganda iti moderno a lugan, ta dua wenno tallo pay a tawen ti palabsen sakbay ti modernisasion. Ket inton kasapulanen a pabaruen dagiti lugan, addanton ipaay ti gobierno a subsidy a PhP280,000 tunggal moderno a lugan a gatangen dagiti kooperatiba. (Raymond Carl Dela Cruz/PNA//Lito Hilidon/Bannawag)
