Inawis ni Presidente Ferdinand R. Marcos Jr. ni Prime Minister ti Thailand Paetongtarn Shinawatra a sumarungkar iti Filipinas, segun iti Department of Foreign Affairs (DFA).
Indanon ni Sekretario ti DFA Enrique Manalo dayta nga awis iti panagpatangda ken ni Foreign Minister ti Thailand Maris Sangiampongsa iti naangay a 6th Philippine-Thailand Joint Commission for Bilateral Cooperation (JCBC) iti Bangkok itay Oktubre 18.
Nagsarak da PBBM ken Paetongtarn iti Association of Southeast Asian Nations (ASEAN) Summit and Related Meetings iti Laos idi napan a lawas.
Ni Paetongtarn, 37, ti agdama a kaubingan a nag-prime minister iti Thailand, ken daulo ti pagilian iti entero nga Asia. (Joyce Ann L. Rocamora/PNA//Lito Hilidon/Bannawag)
Nasional
